Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոսել է թիմի բրազիլացի կիսապաշտպան Վինիսիուս Ժունիորի մասին: «Ձմռանը Վինիսիուսը չի հեռանա «Ռեալից»: Այժմ առաջին թիմի կազմում կա 26 ֆուտբոլիստ, և Վինիսիուսը չի կարողանում խաղադաշտ դուրս գալ բոլոր խաղերում, սակայն նա վայելում է իմ վստահությունը և առանցքային խաղացող է «Ռեալի» համար»,- Զիդանի խոսքը փոխանցում է Marca-ն: Նշենք, որ 19-ամյա Վինիսիուսն ընթացիկ մրցաշրջանում «Ռեալի» կազմում մասնակցել է 11 հանդիպման՝ դառնալով 1 գոլի և 1 գոլային փոխանցման հեղինակ: