Մադրիդի «Ռեալի» և Կոլումբիայի ազգային հավաքականի կիսապաշտպան Խամես Ռոդրիգեսը ձմեռային տրանսֆերային պատուհանի ընթացքում հնարավոր է՝ պայմանագիր կնքի Միլանի «Ինտերի» հետ: La Repubblica-ի հաղորդմամբ՝ «Ինտերն» առաջիկայում պաշտոնական առաջարկ կկատարի «Ռեալին», սակայն Արքայական ակումբի ղեկավարությունը չի պատրաստվում ձմռանը հրաժեշտ տալ կոլումբացի կիսապաշտպանին: 28-ամյա կիսապաշտպանի տեղափոխությունը գնահատվում է շուրջ 50 միլիոն եվրո: Ընթացիկ մրցաշրջանում Խամես Ռոդրիգեսը «Ռեալի» կազմում մասնակցել է 9 հանդիպման՝ դառնալով 1 գոլի և 1 գոլային փոխանցման հեղինակ: