Անձնակազմի մարտունակությունն ստուգելու, մասնագիտական կարողությունները և գործնական հմտությունները զարգացնելու նպատակով նոյեմբերի 28-29-ը 2-րդ զորամիավորման կապի ստորաբաժանումներում անցկացվել են վարժանքներ: Այս մասին տեղեկացնում է ՀՀ ՊՆ Տեղեկատվության և հասարակայնության հետ կապերի վարչությունը։ Ստորաբաժանումները բերվել են մարտական պատրաստականության «բարձր» աստիճանի և զբաղեցրել տեղակայման վայրերը: Բացազատվել են շարժական կապի միջոցները, իրականացվել  նախատեսված բոլոր միջոցառումները: