Անգլիական «Տոտենհեմի» ղեկավարությունն ակումբի նախկին գլխավոր մարզիչ Մաուրիսիո Պոչետինոյի պայմանագիրը խզելու համար արգենտինացի մասնագետին շուրջ 20 միլիոն եվրո փոխհատուցում կվճարի, տեղեկացնում է Sky Sports-ը:
Նոյեմբերի 19-ին Մաուրիսիո Պոչետինոն հանդիպել էր «Տոտենհեմի» նախագահ Դանիել Լևիի հետ, իսկ հանդիպումից հետո անգլիական ակումբը հայտարարել էր Պոչետինոյի պաշտոնանկության մասին:
«Տոտենհեմի» գլխավոր մարզիչի պաշտոնում Մաուրիսիո Պոչետինոյին փոխարինել է պորտուգալացի Ժոզե Մոուրինյոն:
Հիշեցնենք, որ 47-ամյա Պոչետինոն «Տոտենհեմի» գլխավոր մարզիչի պաշտոնը զբաղեցնում էր 2014 թվականից:
00:00:00
