Թուրինի «Յուվենտուսի» լեգենդար դարպասապահ Ջանլուիջի Բուֆոնը խոսել է 2018 թվականին ֆրանսիական ՊՍԺ տեղափոխության պատճառների մասին: «Որոշում ընդունեցի տեղափոխվել ՊՍԺ, քանի որ չկարողացա մերժել այն առաջարկը, որը կատարեց այդ ակումբը: Բացի այն, որ ՊՍԺ-ն Եվրոպայի ուժեղագույն թիմերից մեկն է, ինձ նաև առաջարկվեց շատ բարձր աշխատավարձ: Իհարկե, ՊՍԺ տեղափոխությունը նաև նոր մարտահրավեր էր իմ կյանքում, որը ես ցանկանում էի հաղթահարել»,- Բուֆոնի խոսքը փոխանցում է Sky Italia-ն: Հիշեցնենք, որ 41-ամյա Բուֆոնը ՊՍԺ է տեղափոխվել 2018 թվականի ամռանը, իսկ 1 տարի անց՝ վերադարձել «Յուվենտուս»: