Մեկնարկային տուրում կանանց թիմի մրցակիցը Ֆինլանդիան էր: Հավաքականի կազմում հաղթանակ տոնեցին Սիրանուշ Ղուկասյանը, Մարիա Գևորգյանը և Աննա Սարգսյանը: Լիլիթ Մկրտչյանը կիսեց միավորը: Հայաստան - Ֆինլանդիա  3,5 - 0,5: Եվրոպայի թիմային 22-րդ առաջնությունն անցկացվում է Վրաստանի Բաթում քաղաքում: Տղամարդկանց առաջնությանը մասնակցում է 200 շախմատիստ՝ 40 երկրից , իսկ կանանցը` 32 երկրից 160 ներկայացուցիչ: Առաջնությունը անցկացվելու է 9 տուրով և կեզրափակվի նոյեմբերի 2-ին: Շախմատիստները կունենան հանգստի մեկ օր՝ հոկտեմբերի 29-ը: Առաջնության հաղթող և կանանց, և տղամարդկանց հավաքականները կստանան 8000 եվրո, արծաթե մեդալակիրը` 5000, բրոնզե մեդալակիր` 3000 եվրո պարգևավճարներ: