Ֆուտբոլի Հայաստանի ազգային հավաքականի և իտալական «Ռոմայի» կիսապաշտպան Հենրիխ Մխիթարյանը շարունակում է ապաքինվել վնասվածքից: Մխիթարյանը հոկտեմբերի 18-ին առաջին մարզումն է անցկացրել Իտալիայի առաջնության 6-րդ տուրի՝ «Լեչեի» հետ խաղում աճուկի վնասվածք ստանալուց հետո: Այս մասին հայ ֆուտբոլիստը հայտնել է Ինստագրամի իր պաշտոնական էջում: «Առաջին մարզումն անցկացրեցի վնասվածք ստանալուց հետո»,- գրել է Մխիթարյանը: Ավելի վաղ Calicomercato-ն հայտնել էր, որ Մխիթարյանը կկարողանա խաղադաշտ վերադառնալ նոյեմբերի 2-ին՝ «Նապոլիի» հետ խաղում: