Հոկտեմբերի 4-ին Գյումրիի Կամոյի փողոցում մի բնակարանից գողություն էր կատարվել: Տարել էին ոսկյա զարդեր, հեռուստացույց, տնտեսական և կենցաղային ապրանքներ: Այս մասին հաղորդումը ստացվել էր ոստիկանության Մուշի բաժնում: Ոստիկանության Շիրակի մարզային վարչության, Մուշի և Ախուրյանի բաժինների քրեական հետախույզների ձեռնարկած օպերատիվ-հետախուզական միջոցառումների արդյունքում ստացվել են հավաստի տեղեկություններ, որ բնակարանային գողությունը կատարել են 37-ամյա մի գյումրեցի և Լոռու մարզ, Շնող գյուղում հաշվառված 33-ամյա մի տղամարդ: Քրեական գործի շրջանակներում հոկտեմբերի 12-ին խուզարկություններ են կատարվել նրանց բնակության վայրերում. շնողցու տնից հայտնաբերվել ու առգրավվել են գողացված իրերը: Կատարվում է նախաքննություն: