Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ինքնաբացարկ չհայտնեց: Այսպիսով՝ դատարանը վերադառնալով խորհրդակցական սենյակից որոշեց մերժել Քոչարյանի պաշտպան Հայկ Ալումյանի միջնորդությունը: Հիշեցնենք, որ Ալումյանը ինքնաբացարկի երկու հիմք էր ներկայացրել. «Առաջինը՝ դուք սույն գործը քննելու համար պատշաճ դատարան չեք կարող համարվել եւ երկրորդ՝ կանխակալ բացասական վերաբերմունք ունեք պարոն Քոչարյանի նկատմամբ»: Միջնորդության դեմ առարկել էր ե՛ւ մեղադրող, ե՛ւ տուժող կողմը: