Օրերս անդրադարձել էինք Երևանում գտնվող մի քանի դեղատներում կատարված խուզարկություններին, որոնց արդյունքում հայտնաբերվել էր ընդհանուր 843 հատ հոգեներգործուն դեղահաբ։ Դեղատների տնօրեններն էլ ձերբակալվել էին։ Հարուցված քրեական գործի շրջանակներում ոստիկանության ԿՀԴՊ գլխավոր վարչության թմրամիջոցների անօրինական շրջանառության դեմ պայքարի վարչության ծառայողները շարունակեցին օպերատիվ-հետախուզական միջոցառումները՝ համագործակցելով Քնանաքեռ-Զեյթունի բաժնի և նախաքննական մարմնի աշխատակիցների հետ։ Արդյունքում ոստիկանության ծառայողները դատարանի որոշմամաբ խուզարկություն կատարեցին դեղատներից մեկի տնօրենի բնակարանում։ Հայտնաբերվեց ընդհանուր 35 գրամից ավելի դեղնականաչավուն կանեփանման զանգված և գորշ հետքերով կաթուցիչներ, որոնք առգրավվեցին և ուղարկվեցին փորձաքննության։ Միջոցառումները շարունակվում են։ Կատարվում է նախաքննություն։ https://www.youtube.com/watch?v=wcheS-1C5zE