Վայոց ձորի մարզպետ Տրդատ Սարգսյանը հերքում է իր մասնակցությունը Եղեգնաձորում զինվորականին ծեծելու միջադեպին: Այս մասին նա նշեց այսօր Գյումրիում լրագրողների հետ զրույցում: «Մեր շենքի բակի տեսախցիկները ֆիքսել են` ինչպես եմ ես մեքենան կայանում ժամը տասի կողմերը եւ բարձրանում տուն»,-ասաց նա: Տրդատ Սարգսյանն ասաց, որ իր տեղեկություններով վիճաբանության պատճառն այն է եղել, որ իր օգնականը բակում հանդիպել է հայհոյախառն զրուցող սպաների եւ, հավանաբար, փորձել է հանգստացնել: