ՈՒԵՖԱ-ի նախագահ Ալեքսանդր Չեֆերինը սեպտեմբերի 6-ին այցելեց Երևանի Արարատ կոնյակի-գինու-օղու կոմբինատ, հայտնում է Հայաստանի ֆուտբոլի ֆեդերացիայի պաշտոնական կայքը:
ՀՖՖ առաջին փոխնախագահ, առաջին քարտուղար Արմեն Մելիքբեկյանի հետ միասին Ալեքսանդրը Չեֆերինը շրջեց տարածքով, ծանոթացավ կոմբինատի պատմությանը:
ՈՒԵՖԱ-ի նախագահին նաև նվիրաբերվեց անվանական կոնյակի տակառ:
Շրջայցից հետո Ալեքսանդր Չեֆերինը բացառիկ հարցազրույց է տվել ՀՖՖ-ին՝ նշելով, որ ՈՒԵՖԱ-ի կողմից հայկական ֆուտբոլին տրամադրվող աջակցությունը կմեծանա:
«Շատ լավ երեկո էր, հոյակապ խաղ ստացվեց: Ֆուտբոլասերները հրաշալի աջակցություն ապահովեցին: Հավատացեք, շատ հանդիպումներ եմ դիտել ու կարող եմ ասել, որ լավ հավաքական ունեք: Իրոք, շատ լավ: Կարծում եմ, որ հաջորդ խաղում հաղթելու բոլոր շանսերն ունեք:
Հայաստանի ֆուտբոլի ֆեդերացիան հիանալի աշխատանք է կատարում: Մենք ընկերական, ջերմ հարաբերություններ ենք հաստատել, ու վստահ եմ, որ հայկական ֆուտբոլը միայն առաջ է շարժվելու:
ՈՒԵՖԱ-ն եվրոպական ֆուտբոլի ղեկավար մարմինն է: Մենք ոչ միայն Ա կարգի մրցաշարեր ենք կազմակերպում, որտեղ ֆուտբոլային հզորագույն երկրներն են պայքարում, այլ նաև պարտավոր ենք զարգացնել ֆուտբոլը եվրոպական ընտանիքի բոլոր 55 երկրներում: Չեմ ցանկանում առաջ անցնել, բայց ՈՒԵՖԱ-ի կողմից հատկացվող համերաշխության գումարները կզարմացնեն ձեզ»,- ասել է ՈւԵՖԱ-ի նախագահը:
00:00:00
