Irakanum.am լրատվական կայքը հիմնադրվել է 2018թ.-ին՝ որդեգրելով մեկ կարևոր սկզբունք. լինել անկախ, օբյեկտիվ: Լրատվական կայքի հիմնական առաքելությունն է մատուցել միայն բարձրակարգ նորություններ, անաչառ ու օբյեկտիվ տեղեկատվություն: Հայաստանում եւ աշխարհում տեղի ունեցող զարգացումների՝ իրական բնութագիրը՝ Irakanum.am լրատվական կայքում: Կայքէջի աշխատակազմի նպատակն է ստեղծել սեփական լրատվությունը՝ իր ձեռագրով: Նորությունները՝ եռալեզու, իրական ու փաստարկված: Եղեք տեղեկացված՝ Irakanum.am-ի միջոցով:
© 2018 - 2022 Irakanum.am. Բոլոր իրավունքները պաշտպանված են:
Տարածքային կառավարման և ենթակառուցվածքների նախարար Սուրեն Պապիկյանը ֆեյսբուքյան իր էջում շնորհավորել է Գիտելիքի և դպրության օրվա առթիվ:
Գրառման մեջ մասնավորապես ասվում է.«Սիրելի´ աշակերտներ, ուսուցիչներ, ծնողներ, ուսանողներ և դասախոսներ, կրթության գործի նվիրյալներ, ջերմորեն շնորհավորում եմ ձեզ սեպտեմբերի 1-ի` գիտելիքի օրվա և նոր ուսումնական տարվա մեկնարկի առթիվ: Գիտելիքը դեպի հաջողություն տանող ամենահաստատուն և արդյունավետ ճանապարհն է` լի նոր բացահայտումներով, նվաճումներով ու վերելքներով:
Մաղթում եմ, որ այդ ճանապարհը ձեզ էլ ավելի մոտեցնի ձեր նպատակներին, նպաստի աշխարհաճանաչմանն ու ինքնաբացահայտմանը: Առանձնահատուկ կերպով շնորհավորում եմ առաջին դասարանցիներին, առաջին անգամ բարձրագույն ուսումնական հաստատություններ ոտք դնող ուսանողներին: Թող ձեր առաջին քայլերը հաստատուն լինեն, ոգևորությունը` հարատև, համբերությունն ու սովորելու ձգտումը` անսպառ:
Ձեռք բերված յուրաքանչյուր նոր գիտելիք ծառայեցրեք ձեզ, մեր երկրին ու ժողովրդին: Գիտելիքը թող հենասյուն լինի ձեզ համար, դուք` մեր համայնքների, մարզերի ու երկրի:
