Տնտեսական մրցակցության պաշտպանության պետական հանձնաժողովի նախագահ Արտակ Շաբոյանին այսօր չէին թողնում մտնել խորհրդարան: Անվտանգության աշխատակիցները պնդում էին, որ Շաբոյանն իր անցաթղթով չի կարող մտնել, նրա անունը չկար այն անձանց ցուցակներում, ովքեր կարող են մտնել խորհրդարան: Շաբոյանը նշում էր, որ ինքն արդեն երկար տարիներ այս նույն անցաթղթով մտնում է, որ երբևէ խնդիր չի ունեցել, սակայն անվտանգության աշխատակիցները շարունակեցին պնդել իրենցը, ասացին, որ կարող է տեղեկացնել, որ իրենք նրան թույլ չեն տալիս շենք մտնել: Ապա երկար ժամանակ անց որոշ պարզաբանումներից հետո նրան թույլ տվեցին մտնել: