Երեւանի քաղաքապետարանի աշխատակազմում հերթական կադրային փոփոխությունն է տեղի ունեցել։ Irakanum.am-ի ունեցած հավաստի տեղեկություններով Երեւանի քաղաքապետ Հայկ Մարությանն աշխատանքից ազատել է քաղաքապետարանի աշխատակազմի ղեկավարի տեղակալ Սամվել Մերթարջյանին։ Վերջինս այդ պաշտոնին նշանակվել էր 2016 թվականին։ Սույն տեղեկությունը Irakanum.am-ի հետ զրույցում հաստատեց քաղաքապետի մամուլի քարտուղար Հակոբ Կարապետյանը։ «Այո, Սամվել Մերթարջյանն ազատվել է աշխատանքից սեփական դիմումի համաձայն այլ աշխատանքի անցնելու համար»,- ասաց Կարապետյանը։ Մեզ հասած տեղեկությունների համաձայն քաղաքապետարանի արդեն նախկին պաշտոնյան աշխատանքի կանցնի հայաստանյան բանկերից մեկում, որպես աշխատակազմի ղեկավար։ Նշենք, որ վերջին օրերին Մարությանը սկսել է կադրային փոխատեղումները։ Աշխատանքից ազատվում են որակյալ կադրերը։ Օրեր առաջ մենք տեղեկացրել էինք, որ Մարությանը աշխատանքից ազատել է քաղաքապետարանի աշխատակազմի իրավաբանական վարչության պետ Զավեն Առաքելյանին։ Ինչպես Մերթարջյանի, այնպես էլ Առաքելյանի դեպքում պաշտոնական բացատրությունը մեկն էր՝ աշխատանքից ազատվել են սեփական դիմումի համաձայն։ Irakanum.am