Փրկարարներն ավտոմեքենաներ են դուրս բերել արգելափակումից

ՀՀ արտակարգ իրավիճակների նախարարության «911» ծառայությունն մայիսի 5-ին, ժամը 03:25-ին ահազանգ է ստացել, որ Երևան քաղաքի Մոլդովական փողոցում ավտոմեքենան արգելափակվել է փոսի մեջ (մոտ 40 սմ). անհրաժեշտ է փրկարարների օգնությունը: Դեպքի վայր է մեկնել ԱԻՆ փրկարար ծառայության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Փրկարարները Մոլդովական 54/5 շենքին հարակից տարածքում արգելափակումից դուրս են բերել «Opel Astra G» մակնիշի ավտոմեքենան (վարորդ՝ Հ.Փ.):

Մայիսի 4-ին, ժամը 20:52-ին «911» ծառայությունն ահազանգ է ստացել, որ Երևան քաղաքի Սիլիկյան թաղամասի գերեզմանատան մոտակայքում ավտոմեքենան արգելափակվել է ցեխակույտի մեջ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը: Փրկարարներն արգելափակումից դուրս են բերել «Hyundai Genesis» մակնիշի ավտոմեքենան (վարորդ՝ Մ.Բ.): Մայիսի 4-ին, ժամը 20։12-ին «911» ծառայությունն ահազանգ է ստացել, որ Գեղարքունիքի մարզի Լանջաղբյուր գյուղի սարերում ավտոմեքենան արգելափակվել է ձյան մեջ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Փրկարարներն արգելափակումից դուրս են բերել «Toyota 4runner» մակնիշի ավտոմեքենան (վարորդ՝ Ա.Գ. և 4 ուղևոր՝ Ֆրանսիայի Հանրապետության քաղաքացի):