Այսօր՝ ապրիլի 28-ին, ավտովթար է տեղի ունեցել Արմավիրի մարզում. հայտնում է Shamshyan.com-ը: Ժամը 13:00-ի սահմաններում, Արմավիր-Երևան ավտոճանապարհի 1-ին կմ հատվածում բախվել են Դալարիկ գյուղի բնակիչ 39-ամյա Դանիել Ասլանյանի վարած ԳԱԶ-2410 մակնիշի և Արմավիր քաղաքի բնակիչ 22-ամյա Վարդգես Ռստակյանի Ford Mondeo մակնիշի ավտոմեքենաները: Վթարի հետևանքով երկու վարորդներն ու Վ. Ռստակյանի ուղևոր, Արմավիր քաղաքի բնակիչ, 22-ամյա Ահարոն Ալեքսանյանը մարմնական վնասվածքներով տեղափոխվել են «Արմավիր» ԲԿ: Ոստիկանության կողմից փաստի առթիվ նյութեր են նախապատրաստվում: