Բարձրաստիճան պաշտոնատար անձանց էթիկայի հանձնաժողովն սկսել է հրապարակել պաշտոնյաների՝ նախորդ տարվա գույքի և ունեցվածքի հայտարարագրերը: Irakanum.am-ն արդեն ներկայացրել էր ՀՀ Մշակույթի նախարար Արմեն Ամիրյանի ունեցվածքն՝ ըստ ներկայացրած հայտարարագրի: Այժմ ներկայացնում ենք  Տնտեսական զարգացման և ներդրումների նախարար Սուրեն Կարայանի ունեցվածքը: Ըստ հայտարարագրի Կարայանը  2017 թվակին որպես եկամուտ ունեցել է միայն աշխատավարձ: Նրա տարեկան աշխատավարձը կազմել է 11 մլն 788 հազար դրամ: 2017-ի սկզբին Սուրեն Կարայանն ունեցել է 55 հազար ԱՄՆ դոլար դրամական միջոցներ, իսկ տարեվերջին՝ 58 հազար ԱՄՆ դոլար: Շարժական և անշարժ գույք նախարարի տարեկան հայտարարագրում հրապարակված չէ: Իսկ ավելի վաղ՝ 2017-ի կեսերին հրաապարակված պաշտոնն ստանձնելու հայտարարագրում, հիշեցնենք, Սուրեն Կարայանը հայտարարագրել էր «VAZ 2106» մակնիշի մեկ մարդատար ավտոմոբիլ, մեկ հողամաս և մեկ բնակարան: