Էրեբունի-Երևանի հիմնադրման 2800 ամյակին նվիրված ավելի քան 50 միջոցառում կանցկացվի: Երևանի ավագանու նիստին հաջորդած հարց ու պատասխանի ընթացքում այս մասին ասաց Երևանի քաղաքապետի տեղակալ Արամ Սուքիասյանը: Նրա խոսքով` միջոցառումների շրջանակում կհայտարարվեն նաև մի շարք մրցույթներ: «Երևանի հիմնադրման 2800-ամյակի առիթով տեղի կունենան գիտաճանաչողական մի շարք միջոցառումներ: Դրանցից մեկը հայագիտությանը վերաբերվող միջազգային գիտաժողովն է»,-ասաց Սուքիասյանը՝ հավելելով, որ հիմնական միջոցառումները տեղի կունենան սեպտեմբերի 29-ին և 30-ին` Էրեբունի արգելոց -թանգարանի ամրոցում, Հանրապետության հրապարակում: