Փաշինյանը խիստ նկատողություն արեց Գյումրու քաղաքապետին

Irakanum.am-ն արդեն տեղեկացրել էր, որ ՀՀ վարչապետ Նիկոլ Փաշինյանը աշխատանքային այցով Գյումրիում է։ Այցի ժամանակ Փաշինյանը խիստ նկատողություն արեց Գյումրիի քաղաքապետին փողոցների ու մայթերի անսարքության պատճառով: Ինչպես հայտնի է, կայարանամերձ հրապարակից Նիկոլ Փաշինյանը ոտքով քայլելու էր Տիգրան Մեծ փողոցով, որը Գյումրիում քանդվեց դեռ անցած տարի աշնանը: Վարչապետը քայլելիս դժվարություն ունեցավ, որովհետև մայթերը խճապատված էին:

Նա դիմեց քաղաքապետ Բալասանյանին՝ ասելով, որ այս հարցը Գյումրու քաղաքապետի հարցն է և չպետք է առհասարակ վարչապետին հասած լիներ:

«Ես զարմանում եմ՝ մարդիկ ինչպես են քայլում, ինչպես են մեքենա վարում»: Գյումրու քաղաքապետը բացատրեց, թե՝ «քանդել ենք, որ կառուցենք», ինչին ի պատասխան Փաշինյանն ասաց, որ դա հասկանալի է, միայն հասկանալի չէ, թե քանդելուց հետո ինչու այլընտրանքային ճանապարհներ չեն կառուցվել: «Հասկանում եմ, որ սաղ պտի բոթաս հագնեն, բայց եթե խնդիրը եկել հասել է ինձ, և ես հատուկ դրա համար հասել եմ Գյումրի, ուրեմն ձեզ շուտ պտի հասած լիներ, և էս խնդիրը պետք է մեղմված լիներ»,- ասաց Փաշինյանը: «Թող ցույց տան՝ մարդիկ որտեղ են քայլելու, որն է լինելու ճանապարհը: Էն օրը զարմանում էիք, որ հեռախոսով խոսում էինք, ասում էիք՝ շինարարություն ենք անում, մարդիկ զարմանում են, բողոքում են, ուրեմն ինչ-որ բան սխալ ենք անում, պարոն Բալասանյան: Խնդրում եմ, լսեք, մենք ստեղ չենք եկել դատաստան անելու, եկել ենք մտածենք՝ ոնց ենք էս խնդրին լուծում տալու»,- ասաց Փաշինյանը: