Վերջին օրերին մամուլում պարբերաբար հայտնվում են ինքնասպանության կամ ինքնասպանության փորձի մասին հրապարակումներ․ մարտի 27-ին Էջմիածնի հիվանդանոց էր տեղափոխվել Արմավիրի մարզի Լեռնամերձ գյուղում ապրող 43-ամյա մի տղամարդ, որը ածելիով կտրել էր նախաբազուկը՝ փորձելով ինքնասպան լինել: Վերջինիս կյանքը, բարեբախտավար, փրկվել է։ Մարտի 29-ին ըստ նախնական վարկածի՝ ինքնասպան է եղել Գյումրու թիվ 24 դպրոցի աշակերտ 10-ամյա Դավիթ Գալոյանը։ Իսկ այսօր արտակարգ դեպք է տեղի ունեցել Գյումրիում: Երկաթգիծ փողոցի շենքերից մեկի իր բնակարանում հայտնաբերվել է 52-ամյա տղամարդու դի:
Irakanum.am-իտեղեկություններով տղամարդը կախվել է մալուխի միջոցով։ Նրան այդ վիճակում հայտնաբերել է տուն այցելած քույրը: Մասնագետները նշում են, որ երեխաները կամ վաղ դեռահասության շրջանում գտնվողները հազվադեպ են դիմում ինքնասպանության, իսկ 10-ամյալ Դավիթ Գալոյանի մահվան դեպքն առեղծվածային է թվում, քանի որ հարազատների հավաստիացմամբ՝ նա ինչ-որ խնդիր չի ունեցել, որը պետք է դրդեր գնալ այդ քայլին։ Հոգեբան Սամվել Խուդոյանը, irakanum.am-ի հետ զրույցում անդրադառնալով վերոնշյալ թեմային, նշեց․ «10 տարեկանում նույնիսկ դեպրեսիաներ չեն լինում։ Դա դեռահասության սկիզբն է։ Այս տարիքում ինքնասպանությունները եզակի դեպքեր են, բացառություններ, որոնք կարող են լինել ինչ-որ խաղի վատ ավարտ, ասենք՝ երեխան կինո է տեսել, փորձարկել է և ստացվել է այդպես։ Գուցե, այդպիսի բան է եղել»։
Լրահոս
Արխիվ
March 2017
Երկ ԵրքՉոր Հնգ Ուրբ Շաբ Կիր
Ամենաընթերցվածները
