Ռուսաստանը պատրատ է շարունակել աջակցել ղարաբաղյան կարգավորմանը: Այդ մասին ՀՀ վարչապետ Նիկոլ Փաշինյանի հետ հեռախոսազրույցում ասել է ՌԴ նախագահ Վլադիմիր Պուտինը, հաղորդում է Կրեմլի մամուլի ծառայությունը:
Վլադիմիր Պուտինը հաստատել է Ռուսաստանի պատրաստակամությունը՝ շարունակել աջակցել կարգավորման առանցքային կողմերի լուծման որոնումներում, այդ թվում` ԵԱՀԿ Մինսկի խմբի մասով:
«Փաշինյանը տեղեկացրեց մարտի 29-ին Վիեննայում Ադրբեջանի Հանրապետության նախագահ Իլհամ Ալիեւի հետ Լեռնային Ղարաբաղի խնդրի հարցով կայացած հանդիպման արդյունքների մասին եւ շնորհակակլություն հայտնեց ռուսական կողմին բանակցային գործընթացում ծանրակշիռ միջնորդական դերի համար», - ասվում է հաղորդագրությունում:
Բացի այդ զրույցի ընթացքում քննարկվել են երկկողմ հարաբերությունների մի շարք արդիական հարցեր, ինչպես նաեւ եվրասիական տարածքում ինտեգրացիոն միավորումների շրջանակում փոխգործակցության հարցերը:
00:00:00
