ՀՀ պաշտպանության նախարարությունը կարևոր է համարում գերատեսչությունում բարեվարքության ամրապնդումը: Մարտի 14-ին ՀՀ ՊՆ վարչական համալիրում ՆԱՏՕ-ի շաբաթվա շրջանակում բարեվարքության ամրապնդման խորհրդաժողովի ընթացքում այս մասին ասաց ՀՀ ՊՆ ներքին աուդիտի վարչության պետ Գրիգոր Արամյանը:
«Բարեվարքությունը միջավայր է, որը պետք է ստեղծվի ցանկացած մարդու մոտ: Անձն ինքը պետք է հասկանա, որ իր ցանկացած արարք, երբ դիմացինի նկատմամբ ճիշտ չէ, խախտում է բարեվարքության շատ նուրբ սահմանը: Եթե չեք ձգտում կյանքում բարեվարքություն սահմանել, կյանքը բարդ է լինելու»,- նշեց Արամյանը:
Ներքին աուդիտի վարչության պետը ներկայացրեց, թե 2013 թ. սկսած, երբ մեկնարկել է ծրագիրը, ինչ քայլեր են արվել, և ինչ խնդիրներ կան դրա իրականացման ընթացքում:
Բարեվարքության ամրապնդման խորհրդաժողովն ընթանում է Հայաստանում ՆԱՏՕ-ի շաբաթվա շրջանակում: Այն մեկնարկել է մարտի 12-ին և տեղի կունենա մինչև մարտի 15-ը:
00:00:00
