Վարչապետ Նիկոլ Փաշինյանն այսօր լրագրողների հետ ճեպազրույցում անդրադարձավ գազի գնի հարցի շուրջ իր ավելի վաղ արած հայտարարությանը: “Լրագրողը հարցրեց՝ գազը կթանկանա՞, ես էլ ասացի՝ հակառակի հույսն ունեմ, և Ռուսաստանի մեր գործընկերների հետ մենք հստակ պայմանավորվել ենք, որ դա բաց թեմա է, որը մենք դեռ պետք է քննարկենք: Բայց ես ասել եմ, որ կարծում եմ՝ ճիշտ կլինի,որ այդ հարցը լուծվի ոչ թե երկկողմ տրամաբանության մեջ, այլ ԵՏՄ տրամաբանության մեջ, որովետև դա ի վերջո շատ կարևոր անկյունաքարային նշանակություն ունի”, ասաց Փաշինյանը: