Հայաստանի վարչապետ Նիկոլ Փաշինյանը РБК հեռուստաալիքին տված հարցազրույցում պատասխանել է ՀՀ երկրորդ նախագահ Ռոբերտ Քոչարյանի վերաբերյալ հարցին, որը ձերբակալվել է սահմանադրական կարգը տապալելու մեղադրանքով: Հարցին՝ արդյոք հնարավոր է ասել, որ 2008 թվականի մարտի 1-ի գործը իր համար սկզբունքային է՝ Ն. Փաշինյանը պատասխանել է. «Դա ինձ համար սկզբունքային գործ չէ: Կարծում եմ, որ դա Հայաստանի համար է սկզբունքային գործ, քանի որ, երբ 10 քաղաքացի է զոհվում, դա չի կարող հենց այնպես անցնել: Մենք պետք է պարզենք, թե ինչ է տեղի ունեցել և ինչու»: