Մի տարի հետո մենք կտեսնենք՝ ով էր մերժված, ով՝ չէ: Այս մասին, այսօր լրագրողների հետ հանդիպմանն ասաց ՀՀԿ խոսնակ Էդուարդ Շարմազանովը՝ պատասխանելով Սերժ Սարգսյանի «մերժված լինելու» մասին հարցին։ «Սերժ Սարգսյանը մեր կուսակցության նախագահն է, Արցախի հերոս է, նա և ասելիք ունի, և անելիք քաղաքականության մեջ», - ասաց նա։ Շարմազանովն ասաց, թե Սերժ Սարգսյանի իշխանության ժամանակ Արցախյան հարցում երբեք խոսք չի եղել միակողմանի փոխզիջումների մասին։ «Մենք խոսել ենք փոխզիջման մասին», - ասաց նա։