Irakanum.am-ի զրուցակիցն է երիտասարդ նկարիչ Դավիթ Ղուկասյանը: Դավիթ, ինչ գույներով եք սիրում նկարել, որն  է գերակշռում ձեր նկարներում: Մուգ գույները: Սիրում եմ խառնել ոճերը նկարչության մեջ, որից հետո ստանում եմ իմը , դե օրինակ նույնն է, երբ  Սալվադոր Դալիի  և Բերտա Մորիզոյի ոճերը խառնվեն մեկ  նկարի մեջ: Վստահ եմ հաճելի կլինի: Հայաստանում երիտասարդների առաջ ծառացած հիմնական խնդիրները որո՞նք են: Երիտասարդների համար աշխատանքի ընդունվելու խնդիր կա , որը որ բավականին  բարդացել է: Հիմնականում պահանջում են փորձ անփորձ երիտասարդից, որը նոր ուզում է աշխատել:  Գործատուների  կարծիքով հիմա պետք է  փորձով ծնվես : Սա հեգնանք, բայց իրավիճակը շատ ցավոտա է: Դուք ինքներդ բախվել ե՞ք նման խնդրի: Այո,  երբ բանակից եկել եմ , անփորձ էի՝ նոր համալսարանը ավարտած: Դավիթ, քաղաքացիական հասարակությունը ձեր կարծիքով որքանո՞վ է կայացած: Երիտասարդներն արդյո՞ք պայքարում են իրենց իրավունքների համար: Հիմա երիտասարդությունը բավականին տեղեկացված է, որը ողջունելի է:  Թե դա հիմա ինտերնետի միջոցով է,  թե գիտելիքի դա կարևոր չի, կարևորը որ կարողանում են իրենց իրավունքերը պաշտպանեն թե համալսարանում, թե աշխատանքի մեջ ու ամենակարևորը ընտանիքում, որը որ գերխնդիր է: Պետք է ապրես այնպես, ինչպես  ուզում են ուրիշները: Հիմա դա քիչ քիչ վերանում է: Շատ երիտասարդների այսօր կարելի է տեսնել այս կամ այն կուսակցության շարքերում: Կարծում ե՞ք քաղաքականությունն է նրանց ավելի շատ հետաքրքրում, թե այդ կերպ լուծում են իրենց ապագայի հարցը: Միանշանակ բոլորիս ապագայի հարցերը: Երիտասարդներ կան, ովքեր կարիերա են փնտրում: Մեծամասամբ իհարկե նրանք ցանկանում են որեւէ բան փոխել երկրում՝ հանուն իրենց հասակակիցների՝ չդառնալով քաղաքականության զոհը: Միեւնույն ժամանակ շատերն իրենց ապագան փնտրում են Հայաստանի սահմաններից դուրս: Ինչի՞ հետեւանք եք համարում արտագաղթը: Ես ինքս շատ եմ սիրում Հայաստանը, որովհետև մեր երկրի նման ջերմ տեղ չկա , ուղղակի բայցերը շատ են:  Սոցիալական վիճակից են գնում ցավոք, որը  գնալով ավելի է խորանում: Հայաստանում  չեն գնահատում  լավ մասնագետին, չեն գնահատում իրենց երկրի քաղաքացուն, որը գնահատվում է  ուրիշ երկներում:  Հուսամ ինքս այդ  խնդրի առջև չեմ կանգնի:  Բայց չեմ էլ քննադատում գնացողներին: Ինչ պետք է անեն իշխանությունները ըստ ձեզ, որ երիտասարդների խնդիրները լուծվեն, որոնք չեն անում: Բայց ո՞վ ասեց, որ իշխանությունները ինչ որ բան անում են: Ինչ կփոխեիք երկրում, եթե նման հնարավորություն ունենայիք: Կառավարությունը հիմքից, մնացածը արդեն հաստատ լավ կլինի: Irakanum.am