Չարորակ հիվանդությունների վիրահատական բուժումն իրականացվելու է բացառապես պետպատվերի շրջանակում: Նման վիրահատությունների համար մի շարք բուժհիմնարկներում պետությունը գումարը կվճարի ամբողջությամբ:
Այդ մասին այսօր տեղի ունեցած մամուլի ասուլիսի ժամանակ ասաց ՀՀ առողջապահության նախարար Արսեն Թորոսյանը:
Նա նշեց, որ այս տարի 700 միլիոն դրամի աճ է գրանցվել ուռուցքաբանական ծառայությունների համար, և այն ավելացել է անցյալ տարվա 1.1 մլրդ դրամի վրա:
«Մենք քննարկումների արդյունքում եկանք նրան, որ պետք է մեղմենք քաղաքացիների վրա եղած բեռը, համավճարի մասին է խոսքը: Առաջ պետությունը ուռուցքաբանական վիրահատության համար վճարում էր գումարի շատ քիչ մասը: Եվ տրամաբանական չէր դա կոչել պետպատվեր: Հիմա որոշվել է, որ այդ գումարի մեծ մասը ծախսվելու է համավճարը հանելու համար: Հիմա, եթե կարիք կլինի ուռուցքաբանական վիրահատության այն բժշկական կենտրոններում, որոնք կունենան պետպատվեր, ապա վիրահատության համար քաղաքացին գումար չի վճարի»,- ասաց Թորոսյանը՝ նշելով, որ պետությունը կփոխանցի գումարն ամբողջությամբ ու շուկայական գներով:
Արագացուցիչներով ճառագայթային բուժումը ևս կիրականացվի պետպատվերի շրջանակներում:
00:00:00
