ՀՀ վարչապետին շնորհավորական ուղերձ է հղել Ուզբեկստանի նախագահը Հայաստանի Հանրապետության վարչապետի պաշտոնում նշանակվելու կապակցությամբ Նիկոլ Փաշինյանին շնորհավորական ուղերձ է հղել Ուզբեկստանի Հանրապետության նախագահ Շավքաթ Միրզիյոեւը: «Հարգելի Նիկոլ Վովայի, ընդունեք անկեղծ շնորհավորանքներս ՀՀ վարչապետի պաշտոնում Ձեր նշանակման առթիվ: Ձեր հաղթանակը եւս մեկ անգամ վկայում է բարեփոխումների Ձեր ծրագրին Հայաստանի ժողովրդի լայն աջակցության մասին, որը միտված է տնտեսության կայուն զարգացմանը եւ երկրի բնակչության բարեկեցության մակարդակի բարձրացմանը: Համոզված եմ, որ հայ-ուզբեկական հարաբերությունները, հիմնված փոխադարձ հարգանքի եւ միմյանց շահերը հաշվի առնելու սկզբունքների վրա, կշարունակեն ընդլայնվել եւ ամրապնդվել: Մաղթում եմ Ձեզ քաջառողջություն եւ հաջողություններ, իսկ Հայաստանի ժողովրդին՝ խաղաղություն եւ բարեկեցություն», - ասված է Ուզբեկստանի նախագահի ուղերձում: