Հունվարի 12-ին, ժամը 15:30-ին «911» ծառայությանը տեղեկություն է հաղորդվել, որ Տավուշի մարզի Նոյեմբերյան քաղաքի «Վարար աղբյուր» կոչվող հանդամասում այրվում է վագոն-տնակ: Ինչպես տեղեկացնում են ՀՀ արտակարգ իրավիճակների նախարարությունից, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 16:10-ին, մարվել՝ 16:51-ին: Ամբողջությամբ այրվել է թիթեղյա վագոն տնակը՝ մոտ 9 քմ: Հրդեհի հետևանքով տուժածներ չկան: