ՀՀ 7-րդ գումարման Ազգային Ժողովի նորընտիր պատգամավորներն այսօր ստացան պատգամավորի՝ իրենց մանդատները: Ինչպես արդեն հայտնի է՝ նորընտիր ԱԺ-ն կունենա 132 պատգամավոր՝ կազմված՝ «Իմ քայլը» դաշինքից, «Բարգավաճ Հայասստան» և «Լուսավոր Հայաստան» կուսակցություններից: Հատկանշական է, որ նոր, 7-րդ գումարման ԱԺ-ում գերակշռում են երիտասարդ պատգամավորները:
ԼՈՒՐԵՐ.com-ը ներկայացնում է ամենաերիտասարդ պատգամավորներին, որոնց տարիքը չի գերազանցում 27-ը:
Եվ այսպես.
Քաջիկ Գևորգյան - ԲՀԿ
Քաջիկ Գևորգյանը ծնվել է 1993թ.-ի նոյեմբերի 1-ին, Արմավիրի մարզի Արմավիր քաղաքում։ Սովորել է Երևանի պետական համալսարանի տնտեսագիտության ֆակուլտետում։ Սովորել է ԵՊՀ մագիստրատուրայում։ 2013-2016թթ․ աշխատել է ՀՀ վերահսկիչ պալատում որպես մասնագետ։ Անկուսակցական է: Ամուսնացած չէ։
Սոնա Ղազարյան- «Իմ քայլը»
Սոնա Ղազարյանը ծնվել է 1993թ.-ի մարտի 30-ին: Ավարտել է Երևանի պետական լեզվաբանական համալսարանի «Լեզվաբանություն և միջմշակութային հաղորդակցություն» ֆակուլտետը։ Սովորել է Եվրոպայի քոլեջում (Լեհաստան) և ստացել մագիստորսի կոչում։ Աշխատել է «Սիներջի» կազմակերպության բիզնեսի զարգացման բաժնում։ 2017թ․ մասնակցել է խորհրդարանական ընտրությունների մշտադիտարկմանը՝ որպես ԵԱՀԿ ԺՀՄԻԳ առաքելության մեդիա փորձագետի օգնական։ Միացել է «Իրազեկ քաղաքացիների միավորում» ՀԿ-ին՝ որպես մեդիա փորձագետ և մշտադիտարկման մասնագետ։ Աշխատել է «Ուրբանլաբ» սոցիալ-մշակութային հիմնադրամում՝ որպես հանրային կապերի պատասխանատու։
Հայկ Սարգսյան -«Իմ քայլը»
Հայկ Սարգսյանը ծնվել է 1992թ.-ի օգոստոսի 9-ին: Նրա ուսման մասին որևէ տեղեկություն համացնանցում չգտանք: Հեղափոխությունից հետո աշխատել է որպես Պետական վերահսկողության ծառայության պետի տեղակալ:
Սուրեն Գրիգորյան-«Իմ քայլը»
Սուրեն Գրիգորյանը ծնվել է 1992թ.-ի հունիսի 24-ին: Նրա կենսագրական տվյալները ևս սահմանափակ էին համացանցում: Միայն կար տեղեկություն, որ երիտասարդ պատգամավորը փաստաբան է, իրավաբանական գիտությունների թեկնածու:
Արեն Մկրտչյան -«Իմ քայլը»
Արեն Մկրտչյանը ծնվել է 1992թ.-ի ապրիլի 2-ին, Ալավերդի քաղաքում: Ավարտել է Երևանի պետական համալսարանը: Աշխատել է «Ժամանակ» օրաթերթում և 1in.am լրատվական կայքում, եղել է «1in.am սպորտ»-ի խմբագիր: SOS նախագծի սցենարիստն է։
