Հունվարի 3-ին, ժամը 11:33-ին «911» ծառայությանն ահազանգ է ստացվել, որ Երևան քաղաքի Սարի թաղի 18-րդ փողոցի տներից մեկի միջնապատը փլուզվել է, տուժածներ չկան. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը: Տան միջսենյակային պատը (8 քմ) մասամբ փլուզվել է (4 քմ), առկա է բաղդադե տանիքի փլուզման վտանգ: Փրկարարները փլուզված հատվածի քարե մնացորդները տեղափոխել են այլ տարածք և կատարել ամրացման աշխատանքներ: