Մասիս քաղաքում փրկարարները մարել են ավտոմեքենայում բռնկված հրդեհը: ԱԻՆ մամուլի ծառայությունից հայտնում են, որ հունվարի 2-ին ժամը 20:38-ին «911» ծառայությանը ահազանգ է ստացվել, որ Արարատի մարզի Մասիս քաղաքի Մասիս կայարանի Գործարանային փողոցի թիվ 30 հասցեում ավտոմեքենա է այրվում: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է Մասիսի կայարանում գտնվող նախկին նաֆթի բազայի մոտակայքում կայանած «ՎԱԶ-2106» մակնիշի  ավտոմեքենայի (վարորդը՝  Գ. Պ.) սրահում: Հրդեհը մեկուսացվել է ժամը 20:56-ին, մարվել` 21:10-ին: Այրվել են ավտոմեքենայի սրահը՝ ամբողջությամբ և շարժիչի հատվածը՝ մասնակի: