Գեղարքունիքի մարզում այսօր՝ հունվարի 2-ին, խոշոր վթար է տեղի ունեցել: Shamshyan,com-ի հաղորդմամբ, Մարտունի-Վարդենիս-Քարվաճառ ավտոճանապարհի 5-րդ կմ հատվածում բախվել են Երևան քաղաքի Դավիթաշեն վարչական շրջանի բնակիչ՝ 39-ամյա Թաթուլ Սարգսյանի վարած Infiniti մակնիշի և Նոր Հաճն քաղաքի բնակիչ՝ 36-ամյա Հունան Զոհրաբյանի վարած Mercedes մակնիշի ավտոմեքենաները։ Վթարի հետևանքով վարորդներ Թ. Սարգսյանը, Հ. Զոհրաբյանը, վերջինիս ողևորներ՝ Նոր Հաճնի բնակիչներ, 17-ամյա Ավետ Զոհրաբյանը, 5-ամյա Նատալին, 39-ամյա Թեհմինե Զաքարյանը և ևս 2 հոգի մարմնական վնասվածքներով տեղափոխվել են Մարտունու բժշկական կենտրոն։ Նշենք, որ վարորդներից Թ. Սարգսյանը ծառայում է ՀՀ ՊՆ N զորամասում՝ հրամանատարի տեղակալ, իսկ Հ. Զոհրաբյանը ոստիկանության Չարենցավանի բաժնի հերթապահ մասի հերթապահի օգնական։