Մագնիտոգորսկում տան մի մասի փլուզման ժամանակ մահացծների թիվը հասել է 7-ի «7 մարդ մահացել է, նրանցից 5-ի ինքնությունն արդեն հայտնի է», - Չելյաբինսկի մարզի ԱԻՆ-ի գլխավոր վարչության ներկայացուցիչը հայտնել է ՌԴ ԱԻՆ ղեկավար Եվգենի Զինիչեւին: ԱԻՆ-ի տվյալներով 37 մարդու գտնվելու վայրը դեռ հայտնի չէ: Վարչության մամուլի ծառայությունը հայտնել է, որ տան հետագա փլուզման վտանգը պահպանվում է: Ըստ գործակալության զրուցակցի՝ փլատակները շարունակում են հավաքել: «Փրկարարները հերթով հավաքում են: Երեկ ինժեներական տեխնիկայի օգնությամբ Մագնիտոգորսկի կոշտ կենցաղային թափոնների աղբավայր է տեղափոխվել 37 բեռնատար՝ ընհանուր 370 խորանարդ մետր ծավալ աղբով», - հաղորդել են ԱԻՆ-ի գլխավոր վարչությունում: «Ստրելա-Պ» շարժական դիագնոստիկ համալիրի օգնությամբ հինգ շքամուտքերի  կոնստրուկցիայի ուսումնասիրություն է անցկացվել: Ներկայումս մասնագետները մշակում են արդյունքները: Ուսումնասիրության նախնական արդյունքները սպասվում են տեղական ժամանակով 10:00-ին: Այս պահին ԱԻՆ-ին հայտնի է, որ գազի պայթյունի հետեւանքով 25 բնակարան ամբողջությամբ ավերվել է: Չելյաբինսկի մարզի ղեկավար Բորիս Դուբրովսկու Telegram-ի պաշտոնական ալիքում հաղորդվում է, որ պայթյունի վայրում հայտնաբերված 7 մահացածները մեծահասակներ են: