Հայաստանի ԱԻՆ-ում, այսօր՝ դեկտեմբերի 28-ին, ժամը 00:26-ին «911» ծառայությանն ահազանգ է ստացվել, որ Արմավիր-Մեծամոր ավտոճանապարհին տեղի է ունեցել ավտովթար, կան տուժածներ, առկա է գազի արտահոսք. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Մ-5 ավտոճանապարհի Արմավիր-Մեծամոր հատվածի 4-րդ կմ-ին բախվել են «Nissan March» (վարորդը՝ Դ. Մ., 1989 թ.) մակնիշի ավտոմեքենան եւ «ԶԻԼ» (վարորդը՝ Կ., Հ.) մակնիշի գազաբալոններ տեղափոխող բեռնատարը: Մինչ փրկարարների՝ կանչի վայր հասնելը, «Nissan March» մակնիշի ավտոմեքենայի վարորդը  եւ ուղեւորները՝ Ա. Զ.-ն (1988 թ.) եւ Ի. Ա.-ն (1987 թ.), դուրս են բերվել ավտոմեքենայից քաղաքացիների ուժերով եւ հոսպիտալացվել Արմավիրի ԲԿ, որտեղ բժիշկները նրանց առողջական վիճակը գնահատել են բավարար: Փրկարարները հոսանքազրկել են ավտոմեքենաները եւ փակել գազի բալոնների փականները: