Կրկնակի ավտովթար, ապա վրաերթ է տեղի ունեցել Երևանում․ երեկ՝ դեկտեմբերի 22-ին, ժամը 20:40-ին Մյասնիկյան պողոտայում բախվել են Արթիկ քաղաքի բնակիչ, 21-ամյա Վահագն Ադամյանի վարած Volkswagen մակնիշի և Կոտայքի մարզի Կամարիս գյուղի բնակիչ, 50-ամյա Վարդան Գեղամյանի վարած Opel մակնիշի ավտոմեքենաները․ հայտնում է Shamshyan.com-ը: Վթարից հետո կանգնած Opel-ին է բախվել Honda մակնիշի ավտոմեքենան, որը վարել է Երևանի Մյասնիկյան պողոտայի բնակիչ, 22-ամյա Միսակ Մանուկյանը։ Այս երկրորդ վթարի հետեւանքով  Երևանի բնակիչ, 17-ամյա Հարություն Նիկողոսյանը տեղափոխվել է Հերացու անվան թիվ 1 համալսարանական հիվանդանոց, իսկ Volkswagen-ի և Opel-ի մեջտեղում կանգնած Վահանգն Ադամյանն ու Մարատ Առուստամովը ( 32 տարեկան, Բալահովիտ գյուղից), վրաերթի են ենթարկվել եւ տեղափոխվել են Սուրբ Գրիգոր Լուսավորիչ բժշկական կենտրոն: