Դեկտեմբերի 19-ին, ժամը 16:18-ին «911» ծառայությանը տեղեկություն է հաղորդվել, որ Արմավիրի մարզի Զվարթնոց գյուղի Մանուշյան փողոցում այրվում է տան տանիք: Դեպքի վայր է մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ: Պարզվել է, որ հրդեհը բռնկվել է Մանուշյան փողոցի թիվ 18 և թիվ 16 տների տանիքներում: Հրդեհը մեկուսացվել է ժամը 17:00-ին, մարվել՝ 17:24-ին: Այրվել են թիվ 18 տան տանիքը՝ ամբողջությամբ (120 քմ) և թիվ 16 տան տանիքը՝ մասամբ (մոտ 10 քմ): Հրդեհաշիջման աշխատանքներին մասնակցել է ազատ հերթափոխից 5 հրշեջ-փրկարար: Հրդեհի հետևանքով տուժածներ չկան: