Դեկտեմբերի 14-ին, ժամը 21:23-ին «911» ծառայությանն ահազանգ է ստացվել, որ Երևան-Սևան ավտոճանապարհին՝ Հրազդանի նախկին ՃՈ հենակետի մոտակայքում, «Opel Combo» մակնիշի ավտոմեքենան դուրս է եկել ճանապարհի երթևեկելի հատվածից և կախվել դեպի ձորը. ավտոմեքենան դուրս բերելու համար անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը: Պարզվել է, որ Մ-4 միջպետական ավտոճանապրհի Երևան-Սևան հատվածի 38-րդ կմ-ին Opel Combo մակնիշի (վարորդը՝ Ա. Թ.) ավտոմեքենան դուրս է եկել ճանապարհի երթևեկելի հատվածից և բախվել ծառին. տուժածներ չկան: Փրկարարները հոսանքազրկել են ավտոմեքենան և Կոտայքի ՃՇՇ ՍՊԸ-ի Ալափարս տեղամասի հատուկ տեխնիկայի օգնությամբ ավտոմեքենան դուրս են բերել երթևեկելի հատված: