Դեկտեմբերի 10-ին, ժամը 13:33-ին «911» ծառայությանը տեղեկություն է հաղորդվել, որ Կոտայքի մարզի Բջնի գյուղում այրվում են ծածկ և անասնակեր: Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է 7-րդ փողոցի տներից մեկի տանիքում և հարակից շինությունում: Հրդեհը մեկուսացվել է ժամը 16:03-ին, մարվել՝ 17:35-ին: Այրվել են տան (մոտ 120 քմ) և հարակից շինության (մոտ 120 քմ) տանիքների փայտե կառուցատարրերը, հարակից շինության 2-րդ հարկում՝ վառելափայտ` մոտ 4 խմ և պահեստավորած անասնակեր` մոտ 300 հակ: Հրդեհի հետևանքով տուժածներ չկան: