Արարատի մարզում, դեկտեմբերի 8-ին, խոշոր ավտովթար է տեղի ունեցել. ժամը 23:40-ի սահմաններում 31-ամյա Սաշիկ Ս.-ն իր վարած КамАЗ 5320 մակնիշի 52 ՏԼ 472 համարանիշի ավտոմեքենայով Երեւան-Մեղրի ավտոճանապարհի 52-րդ կմ հատվածում՝ Արմաշ գյուղի վարչական տարածքում, բախվել է 55-ամյա Գագիկ Բ.-ի վարած КамАЗ 53312 մակնիշի 35 MD 383 համարանիշի ավտոմեքենային: Shamshyan.com-ի  փոխանցմամբ, բախման հետեւանքով КамАЗ-ները դուրս են եկել ճանապարհի երթեւեկելի գոտուց եւ բախվել ճանապարհի երկայնքով ձգվող D=159 մմ միջին ճնշման գազատար խողովակին: Բախման հետեւանքով տեղի է ունեցել գազի ուժեղ արտահոսք եւ կոտրվել են գազասյուներն ու գազախողովակը: Վարորդներն էլ տեղափոխվել են Արարատի բժշկական կենտրոն: Վթարի հետեւանքով էլ նշված հատվածում գործող մի քանի գազալցակայաններ գազ չստանալու պատճառով ժամանակավորապես ավտոմեքենաների լիցքավորումը դադարեցրել են: Ողջ գիշեր ու մինչեւ այս պահը Գազպրոմի ներկայացուցիչները փորձում են վերացնել վթարի հետքերը: Աղբյուրը հայտնում է նաեւ, որ ավտոմեքենաները բարձված են եղել ցեմենտով: