0Նոյեմբերի 28-ին, ժամը 18:59-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Արղության փողոցի թիվ 10/6 շենքի մոտակայքում գտնվող արտադրամասի տանիքում: Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և մեկ ավտոսանդուղք: Պարզվել է, որ Արղության փողոցի թիվ 10 հասցեում գտնվող ընկերության տարածքում այրվել է կիսակառույց շինություն: Հրդեհը մեկուսացվել է ժամը 20:09-ին, մարվել՝ 20:44-ին: Այրվել են շինության փայտե կառուցատարրերը՝ մոտ 40 քմ: Հրդեհի հետևանքով տուժածներ չկան: