Վրաստանի կրթության, գիտության, մշակույթի և սպորտի փոխնախարար Միխայիլ Գիորգաձեն ավտովթարից հետո արդեն երրորդ օրն է կոմայի մեջ է, հաղորդում է Sputnik-ի վրացական մասնաճյուղը:
Վթարը տեղի է ունեցել Կախեթի մարզի Նապարեուլի գյուղի մոտ՝ նոյեմբերի 17-ին: Գիորգաձեն բազմաթիվ վնասվածքներով տեղափոխվել է Թելավիի կլինիկա, այնուհետև՝ Թբիլիսիի բարձր բժշկական տեխնոլոգիաների կենտրոն:
«Նա, կողոսկրերի, թոքերի և գլխուղեղի բազմաթիվ վնասվածքներով, գտնվում է վերակենդանացման բաժանմունքում, վիճակը կայուն ծանր է»,- փոխանցել են բժշկական կենտրոնից:
Ըստ նախնական տվյալների, ավտոմեքենան դուրս է եկել ճանապարհի երթևեկելի մասից և բախվել ծառին: Վթարի պահին Գիորգաձեն մեքենայում մենակ է եղել:
00:00:00
