Ռուսաստանում՝ Տամբովում, 29-ամյա տղամարդը ծեծելով սպանել է իր չորսամյա խորթ դստերը` չհնազանդվելու համար, գրում է life.ru-ն։ Քննության վարկածի համաձայն, մարտի 8-ի երեկոյան կասկածյալը չհնազանդվելու ու կամակորության համար ծեծի է ենթարկել իր կենակցուհու մանկահասակ դստերը: Հաջորդ օրվա առավոտյան մայրը երեխային մահացած է գտել և զանգահարել ոստիկանություն: Բժիշկների եզրակացությամբ, երեխան մահացել է փակ գանգուղեղային վնասվածքի հետևանքով: Քրեական գործ է հարուցվել փոքրահասակ երեխայի սպանություն հոդվածով: Քննիչներն արդեն հարցաքննել են երեխայի մորը, այլ ազգականների ու վկաների, ինչպես նաև դեպքի վայրի զննություն կատարել: Ներկա պահին պարզվում է, գտնվո՞ւմ էր, արդյոք, ընտանիքը հաշվառման մեջ և արդյոք գրանցվե՞լ են երեխաների ծեծի այլ դեպքեր: