Նոյեմբերի 8-ին, ժամը 08:27-ին «911» ծառայությանն ահազանգ է ստացվել, որ Երևան քաղաքի Դավիթ Բեկի փողոցում՝ Գաջի գործարանի մոտակայքում, այրվում է ավտոմեքենա: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Դավիթ Բեկի փողոցի թիվ 110 հասցեում գտնվող Դոմուս հիպերմարկետի մոտակայքում այրվում է Mercedes 280E մակնիշի ավտոմեքենայի (վարորդը՝ Հ. Հ.) շարժիչն ամբողջությամբ: Հրդեհը մեկուսացվել է ժամը 08:39-ին, մարվել՝ 08:53-ին: