ՀԱՀ–ում լիստերիոզի համաճարակի բռնկման պատճառ են դարձել մսային չորացված երշիկները։ Համաճարակի արդյունքում 180 մարդ է մահացել, որը բոլոր հիվանդացածների 27 տոկոսն է կազմում։ «ՀԱՀ վարակիչ հիվանդությունների ազգային ինստիտուտում անցկացված հետազոտության արդյունքներով՝ հիվանդներից վերցված արյան փորձանմուշի 91 տոկոսի դեպքում հայտնաբերվել է լիստերիոզի հարուցիչը՝ ST6 շտամը։ Նույն շտամն է հայտնաբերվել նաև տարբեր վայրերից վերցված երշիկեղենի փորձանմուշներում։ Հիվանդների 83 տոկոսի մոտ հիվանդությունը սկսվել է հենց այս երշիկների օգտագործումից»,– ասվում է ՀԱՀ վարակիչ հիվանդությունների ազգային ինստիտուտի հաղորդագրության մեջ։