Հոկտեմբերի 24-ին, ժամը 18:11-ին «911» ծառայությանն ահազանգ է ստացվել, որ Արագածոտնի մարզի Արագած գյուղում այրվում է անասնագոմի տանիք: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է Արագած գյուղի Կենտրոնական խճուղու թիվ 32 տանը կից անասնագոմի և հացատան տանիքներում: Հրդեհը մեկուսացվել է ժամը 19:36-ին, մարվել՝ 19:56-ին: Այրվել են անասնագոմի և հացատան տանիքների փայտյա կառուցատարրերը՝ մոտ 60 քմ և ներսում կուտակած 400 հակ անասնակերը: