Հոկտեմբերի 22-ին, ժամը 12:31-ին «911» ծառայությանն ահազանգ է ստացվել, որ քաղաքացին Երեւան քաղաքի Ամիրյան եւ Սարյան փողոցների խաչմերուկի մոտակայքում գտնվող բարձրահարկ շենքերից մեկից շինարարական աշխատանքներ կատարելու ընթացքում ցած է ընկել եւ մահացել: Այս մասին հայտնում են ԱԻՆ-ից: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Փրկարարները Բուզանդի փողոցի թիվ 107 շենքի մոտակայքում հայտնաբերել են մոտ 50 տարեկան անձը չպարզված քաղաքացու դի եւ սահմանազատել տարածքը: