Այսօր տեղի է ունեցել ՀՀ քննչական կոմիտեի կոլեգիայի հանդիսավոր նիստը՝ նվիրված Քննչական կոմիտեի ծառայողի օրվան:
Քննչական կոմիտեի կոլեգիայի անդամներից բացի, նիստին մասնակցել են նաև կոմիտեի տարածքային և կառուցվածքային ստորաբաժանումների ղեկավարները:
Հանդիսավոր նիստի ժամանակ Քննչական կոմիտեի նախագահ Հայկ Գրիգորյանն իր ելույթում ներկայացրել է մինչդատական վարույթի որակն ու արդյունավետությունը բարձրացնելու, քննչական կոմիտեի վարույթում քննվող քրեական գործերով հանցագործությունները բացահայտելու, հանցագործությունից տուժած քաղաքացիների իրավունքները և օրինական շահերը պաշտպանելու, երկրում արդարադատության իրականացմանն աջակցելու ուղղությամբ կատարված քայլերը, ինչպես նաև՝ առկա խնդիրները:
ՀՀ ՔԿ նախագահը բարեխիղճ և արդյունավետ աշխատանքի, ինչպես նաև իրավակարգի և օրինականության ամրապնդման գործում ներդրած ավանդի համար Քննչական կոմիտեի մի խումբ աշխատակիցների արժանացրել է պետական այլ բարձր և գերատեսչական պարգևների։
Մասնագիտական տոնի կապակցությամբ Քննչական կոմիտեին շնորհավորական ուղերձներ են հղել գործընկեր գերատեսչությունների ղեկավարները:
ՀՀ քննչական կոմիտե
