Հոկտեմբերի 6-ին, ժամը 13:40-ին «911» ծառայությանն ահազանգ է ստացվել, որ Կոտայքի մարզի Կարենիս գյուղի մոտակայքում այրվում է խոտածածկ տարածք: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 17:34-ին, մարվել՝ 21:51-ին: Այրվել է մոտ 19.5 հա բուսածածկույթ և անտառային հատվածից՝ մոտ 5000 քմ: Հրդեհաշիջման աշխատանքներին մասնակցել են ազատ հերթափոխից 12 հրշեջ-փրկարար և անտառտնտեսության 15 աշխատակից: